Justert for sesongvariasjonar viser Arbeidskraftundersøkinga (AKU) til Statistisk Sentralbyrå ein auke i sysselsetjinga på 30 000 personar, eller 1,2 prosent, frå september - målt som gjennomsnitt for tremånadersperioden august-oktober - til desember (gjennomsnitt for tremånadersperioden november-januar). Den sterke veksten kjem både av ein generell auke i delen som er sysselsett og av arbeidsinnvandring særleg frå nye EU-land i Aust-Europa. Ein større del av arbeidsinnvandrarane får nå opphaldsløyve på meir enn seks månader og vert talt med i AKU frå første dag.Arbeidsløysa, sesongjustert, utgjorde 2,4 prosent av arbeidsstyrken i desember (gjennomsnitt for tremånadersperioden november-januar), mot 2,6 prosent i september (gjennomsnitt for tremånadersperioden august-oktober).

Arbeidsløysa gjekk ned i mange land frå september til desember, mellom anna Sverige, Danmark, Frankrike og Tyskland, men auka i USA.

Les mer på: http://www.ssb.no/akumnd/